Азык-төлеккә мониторинглар үткәргәндә пенсионерлар өчен консультацияләр

2 октябрь 2018 ел., сишәмбе

Татарстан Республикасы Дәүләт алкоголь инспекциясе Татарстан Республикасы дәүләт хакимияте башкарма органнары структурасына кереп, Татарстан Республикасы территориясендә Россия Федерациясе субъектлары карамагындагы вәкаләтләр чикләрендә алкогольле һәм спиртлы продукцияне ваклап сату өлкәсендә дәүләт контрольлеген тәэмин итү чараларын тормышка ашыра, шулай ук куллану базарында закон бозуларны кисәтү һәм мондый очракларны булдырмый калуга юнәлдерелгән чараларны хәл кыла, шул исәптән республикабызның эчке базарында халык куллану товарлары бәяләре һәм ассортиментына мониторинг үткәреп килә. 

Татарстан Республикасы Дәүләт алкоголь инспекциясенең Казан территориаль органы хезмәткәрләре мондый мониторинглар үткәргәндә өлкәннәргә консультацияләр дә бирә.

Әйтергә кирәк, белгечләребез халык белән кулланучылар хокукларын яклау буенча консультацияләрне теләсә кайда: шәһәр һәм район күләмендәге чараларда да, турыдан-туры Татарстан Республикасы Дәүләт алкоголь инспекциясе кабинетларында да  үткәрә. Консультацияләр берочтан халыкка көнкүреш хезмәте күрсәтү өлкәсе клиентлары һәм кибетләрдә сатучылар белән турыдан-туры аралашу мөмкинлеге дә бирә.

Өлкән яшьтәге гражданнарга һәрдаим үз гамәлләрен төптән уйларга, шулай ук мошенниклар кармагына эләкмәс өчен уяурак булырга өндибез.

“Гомер көзе”нә кергән гражданнарыбызга бу юлы да  торак-коммуналь хезмәтләрдән, түләүле медицина, косметика салоны, кием-салым төзәтү һәм тегү ательесы хезмәтләреннән файдаланучы белешмәлекләрен, азык-төлек өстәмәләре турында белешмәлекләр һ.б. тараттык.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования