Арчада алкогольле продукцияне һәм спирт катнашмалы продукцияне ваклап сату мәсьәләләре буенча гавами тыңлаулар үтте

26 март 2019 ел., сишәмбе

Татарстан Республикасы Арча муниципаль районы хакимиятенең утырышлар залында алкогольле продукцияне һәм спирт катнашмалы продукцияне ваклап сату мәсьәләләре буенча гавами тыңлаулар узды. Чараны Арча муниципаль районы башкарма комитеты җитәкчесе урынбасары Рамил Гарифҗанов ачып җибәрде.

Көн тәртибендә түбәндәге мәсьәләләр хакында сөйләшү булды:

- 2019 елның 2 аендагы эш йомгаклары буенча Арча муниципаль районының алкоголь базарындагы вәзгыять;

- этил спирты, алкогольле һәм спирт катнашмалы продукция әйләнеше өлкәсендә ачыклана торган хокук бозуларның структурасы һәм законнарга булган соңгы үзгәрешләр;

- БДАМС системасында эшләү проблемалары;

- хуҗалык итүче субъектлар вәкилләреннән төрле сораулар.

Арча территориаль органы башлыгы Булат Кадыйров 2019 елның 2 аендагы эш нәтиҗәләре буенча Арча муниципаль районында алкоголь базарының торышы турында; 2018 елның 12 аендагы һәм 2019 елның 2 аендагы эш йомгаклары буенча алкогольле һәм спирт катнашмалы продукция әйләнеше өлкәсендә ачыклана торган хокук бозулар турында; этил спирты, алкогольле һәм спирт катнашмалы продукция әйләнеше өлкәсендәге законнарга соңгы үзгәрешләр турында мәгълүмат җиткерде.

Хуҗалык итүче субъектларның вәкилләреннән БДАМС системасында эшләгәндә интернет элемтәсенә бәйле проблемалар; БДАМС системасында эшләүне шактый катлауландыра торган еш кына электр энергиясе өзелеп торулар турында; әллә ни әһәмиятле булмаган җитешсезлекләр өчен югары штраф санкцияләре турында; алкогольле продукцияне ваклап сату хокукына лицензия алганда һәм аның гамәлдә булу вакытын озынайтканда югары дәүләт пошлиналары турында сораулар җиткерелде.

Янгыраган сорауларның барысына да тиешле аңлатмалар бирелде.

Йомгаклау сүзләре белән Арча муниципаль районы башкарма комитеты җитәкчесе урынбасары Рамил Гарифҗанов чыгыш ясады. Үзенең чыгышында ул алкогольле һәм спирт катнашмалы продукциянең легаль булмаган әйләнешен ачыклау һәм чикләү эшчәнлеген көчәйтергә һәм моның өчен "Халык контроле" ДМС мөмкинлекләреннән активрак файдаланырга чакырды.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования