Яңа ел бәйрәмнәрендә закон бозу очраклары теркәлде

Чаллы территориаль органы хезмәткәрләре Яңа ел бәйрәме көннәрендә дә уяулыкларын җуймады. Ник дигәндә, сатучылар гражданнар ял итеп яткан бер мәлдә, кагыйдә буларак, закон бозарга ярата.

Шулай итеп, 2018 елның 3 гыйнварыннан 8 гыйнварга кадәрге чорда ведомство карамагындагы районнарда түбәндәге закон бозу очраклары ачыкланды:

- Чаллы шәһәрендә – товарны озату документларыннан, лицензиядән башка гына алкогольле продукция сатуның 3 очрагы (хосусый эшмәкәр Вәлиев Р.Р., Комсомольская Набережная, «Веранда» кафесы – 50 шешә хәмер хуҗасыннан алынды; хосусый эшмәкәр Минһаҗев А.А., Казан проспекты, «Продукты» кибете – 14 шешә хуҗасыннан тартып алынды;  хосусый эшмәкәр Кривоногов А.В., «Метрополь» рестораны, Беляев пр., 12 й., 11 шешә хәмер хуҗасыннан тартып алынды).

- Алабуга районында – тыелган вакытта сыра сатуның 1 очрагы (хосусый эшмәкәр Егорова Г.О., Алабуга ш., Чапаев ур.,10 й.).

- Менделеев районында – стационар булмаган сәүдә объектында сыра сатуның бер очрагы ( хосусый эшмәкәр Загуменных А.Г., Менделеев ш., Татарстан ур., 17 й., 28 шешә хуҗасыннан тартып алынды).

- Минзәлә районы – җәмәгать туклануы предприятиесендә савытын ачмыйча гына сыра сатуның бер очрагы (хосусый эшмәкәр Ильин Р.Ю., Минзәлә ш., К.Маркс ур., 4 й., «Mani» ресто-бары).

- Тукай районы – товарны озату документларыннан, лицензиядән башка гына алкогольле продукция сатуның 1 очрагы (хосусый эшмәкәр Морозов, «Түбән Кама» милли паркы, «Наша Поляна» кибете, 7 шешә хуҗасыннан тартып алынды).