Аның әйтүенчә, ел башыннан бирле хокук саклау органнары кибетләргә һәм хәмер сату нокталарына 14 936 тикшерү үткәргән, шуның 13 783е – ваклап сату объектлары, 382 склад, 650 гараж һәм 121 күпләп сату оешмасы.
- Бүгенгә 7679 лицензиатыбыз бар, шуның 1077се – җәмәгать туклануы урыннары, аларның эшен даими күзәтеп торабыз. Хәмер продукциясен кулланучы кешенең сыйфатлы товар алуы өчен тырышабыз. Без бит беркемне дә мәҗбүрили алмыйбыз: эчкән кеше барыбер эчәчәк, әмма шул ук вакытта кибет киштәләрендә суррогат түгел, ә сыйфатлы продукция урын алырга тиеш. Безнең бурыч – эчү культурасын яхшырту, - дип билгеләп үтте Җ.Әхмәтханов.
Тикшерүләр нәтиҗәләре буенча барлыгы 121 699 литр күләмендә ялган хәмер һәм спиртлы продукция әйләнештән алынган. Быел алкогольле продукция әйләнеше өлкәсендә барлыгы 107 җинаять эше кузгатылган.