Бүләкләр җиңүчеләрен тапты
Бүген Татарстан Республикасы Дәүләт алкоголь инспекциясендә мәктәп укучылары арасында «Кулланучылар хокукларын яклау» темасына 11 нче республика Олимпиадасында җиңүчеләрне бүләкләү тантанасы узды. Җиңүче укучыларны һәм педагогларны Татарстан Республикасы Дәүләт алкоголь инспекциясе җитәкчесе Җәүдәт Әхмәтханов, Татарстан Республикасы Мәгариф һәм фән министры урынбасары Станислав Андреев, жюри рәисе, юридик фәннәр кандидаты Юрий Митюшкин сәламләде.
- Хәзер Россиягә беркайчан да булмаганча киң күзаллауга, күнекмәләргә һәм белемнәргә ия булган югары профессиональ кадрлар кирәк. Ансыз без бу тиз үзгәрә торган һәм катлаулы дөньяда яши алмыйбыз. Сезнең алга таба да хокук өлкәсендә, шул исәптән Кулланучылар хокукларын яклау өлкәсендә белемнәрегезне арттырырга, Россиянең лаеклы гражданнары, социаль грамоталы һәм җаваплы булуыгызны телибез, - диде Җәүдәт Әхмәтханов сәламләү сүзендә.
Өч тур нәтиҗәләре буенча жюри вәкилләре абсолют җиңүчене билгеләде.
8-9 сыйныфлар арасында Мәгариф үзәге - 57 нче Гимназия (Чаллы шәһәре) муниципаль бюджет гомуми белем бирү учреждениесенең 9А сыйныф укучысы Динә Миңнегулова җиңүче булды.
10-11 сыйныфлар арасында Алабуга КФУ институтының «Университет» гомуми белем бирү мәктәбенең 10 сыйныф укучысы Кәрим Закиров җиңүче булды.
Җиңүчеләр кубоклар, призлар һәм бүләкләр белән бүләкләнделәр.
8-9 сыйныфлар арасында I дәрәҗә олимпиада призеры Теләче районы Олы Мәтәскә урта гомуми белем бирү мәктәбенең 9 сыйныф укучысы Исламия Минһаҗева булды; 10-11 сыйныфлар арасында - ТР Балык Бистәсе муниципаль районының «Олы Мәшләк урта гомуми белем бирү мәктәбе» МББУның 10 сыйныф укучысы Вероника Степанова.
II дәрәҗә олимпиада призерлары: 8-9 сыйныфлар арасында - ТР Бөгелмә муниципаль районы 1 нче урта гомуми белем бирү мәктәбе укучысы Владислав Талахов;
10-11 сыйныфлар арасында - ТР Менделеевск муниципаль районы «1 нче Гимназия» муниципаль бюджет гомуми белем бирү учреждениесенең 11 сыйныф укучысы Ралина Нургалиева.
III дәрәҗә олимпиада призерлары: 8-9 сыйныфлар арасында - ТР Алексеевск муниципаль районының «Куркуль урта гомуми белем бирү мәктәбе» МББУның 8 сыйныф укучысы Полина Косова; 10-11 сыйныфлар арасында - ТР Чирмешән муниципаль районының «Чирмешән лицее» МББУның 10 Б сыйныф укучысы Азалия Максумова.
Аннары Җәүдәт Әхмәтханов һәм Станислав Андреев Олимпиада вакытында балаларга ярдәм иткән педагогларны, остазларны билгеләп үттеләр.
Татарстан Республикасында кулланучылар мәгариф системасын үстерүдәге уңышлары өчен 2023 елда гомуми белем бирү оешмалары арасында «Кулланучылар хокукларын яклау» темасына республика олимпиадасында берьюлы 2 мәктәп җиңүче дип билгеләнде, алардан иң күп призерлар һәм финалистлар чыкты: бу - ТР Менделеевск муниципаль районының 1 гимназиясе һәм Теләче муниципаль районының Фатих Хөсни исемендәге Олы Мәтәскә урта гомуми белем бирү мәктәбе.
Олимпиадада катнашучыларның һәм педагогларның барысы да медальләр, кубоклар, Рәхмәт хатлары белән бүләкләнде.
Исегезгә төшерәбез, быел олимпиадада 8-11 сыйныфлардан 7 926 укучы катнашты.