Барыбыз да шимбә көненә!
Яз, табигать уяну һәм традицион чистарыну вакыты.
Апрель ахыры Россиядә барлык шәһәрләрдә урамнарның, паркларның, торак кварталларның һәм балалар мәйданчыкларының тышкы кыяфәтен яхшырту буенча чаралар үткәрелгән вакыт. 1919 елда барлыкка килгән күпьеллык традиция бүгенге көнгә кадәр саклана. Ел саен Татарстан Республикасы Дәүләт алкоголь инспекциясенең Яр Чаллы территориаль органы коллективы әлеге чарада зур энтузиазм белән катнаша.
Быел коллектив яңа лозунг астында җыелды: "Май, Хезмәт, Шәп!»
Территориаль орган башлыгы Гөлшат Вафина җитәкчелегендә дус коллектив административ бина тирәсендәге территорияне җыештыру буенча зур эш башкарды.
Мондый чаралар - корпоратив рухны күтәрү, коллективта психологик климатны яхшырту, дуслык мөнәсәбәтләрен формалаштыруда зур роль уйный. Анда коллективның һәр әгъзасы үзенең профессиональ сыйфатларын гына түгел, ә гади кешелек сыйфатларын да күрсәтергә мөмкинлек ала, уртак хезмәт моңа мөмкин кадәр яхшырак ярдәм итә. Чаллы территориаль органының коллектив чаралары, традиция буенча, чәй эчү белән тәмамлана, анда иркен шартларда, яңа карарлар кабул ителә һәм алга таба нәтиҗәле эш өчен яңа планнар төзелә.