ЯҢАЛЫКЛАР
Россиянең төрле җитештерүчеләренең һәм хәтта Белорусиянең бер җитештерүчесенең майлылыгы - 72,5% булган 12 атланмай һәм 5% майлылыктагы эремчек үрнәген дегустация комиссиясе әгъзалары исе, төсе һәм тәме буенча сынап карады.
Дегустациядә катнашу өчен иң популяр продукция төрләре сатып алынды, аларның гомуми өлеше республика базарында 70% тан артык тәшкил итә. Базарда Татарстан җитештерүчеләре өстенлек итә.
Татарстан Республикасы Дәүләт алкоголь инспекциясе тарафыннан кулланучылар хокукларын яклау программасын гамәлгә ашыру кысаларында аккредитацияләнгән лабораторияләрдә оештырылган сыйфат һәм куркынычсызлык сынаулары 80 атланмай, шулай ук республика территориясендә сатыла торган 30 төрдәге эремчекне тикшерү белән колачланган.
2022 елның 27 маенда 10.00 сәгатьтә Татарстан Республикасы Дәүләт алкоголь инспекциясе 5% майлы эремчеккә һәм 72,5%лы атланмайга кулланучылар дегустациясе үткәрә. Халык арасында чагыштырмача куллану сынаулары өчен үткәрелгән сораштыруда нәкъ менә шушы продуктлар сайлап алынды.