Укучылар өчен кулланучылар белемен арттыру буенча дистанцион дәрес үткәрелде
2021 елның 22 сентябрендә Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Ләйсән Абдуллина ZOOM платформасында Татарстан Республикасы Кукмара муниципаль районы «М.М. Мансуров исемендәге аерым фәннәрне тирәнтен өйрәнүле Олы Кукмара урта мәктәбе» МББУнең 8-11 сыйныф укучылары өчен кулланучылар белемен күтәрү буенча дистанцион дәрес үткәрде.
Дәреснең максаты: укучыларны Россия дәүләтендә кулланучының хокукый статусы белән таныштыру, дөрес кулланучы тәрбияләү, көндәлек тормышта кулланучыларның хокукларын һәм законлы мәнфәгатьләрен, шулай ук сатучыларның хокукларын һәм законлы мәнфәгатьләрен ничек яклавын күрсәтү. Бу өлкәдә үз хокукларын яклауның элементар күнекмәләрен һәм конфликтны законлы рәвештә хәл итү күнекмәләрен формалаштырырга, укучыларны товарлар базарында үз-үзләрен дөрес тотарга өйрәтү.
Танышу Татарстан Республикасы Дәүләт алкоголь инспекциясенең эшчәнлеге турында мәгълүматтан башланды һәм «Кулланучылар хокукларын яклау турында» Россия Федерациясе Законы, «кулланучы», «сатучы», «башкаручы», «яраклылык срогы», «товарның сыйфаты» кебек төшенчәләр белән танышу белән дәвам итте. Кулланучыларның нинди хокуклары Закон һәм яңа сәүдә кагыйдәләре белән регламентланган булуы турында аңлатмалар бирелде. Территориаль орган тәҗрибәсеннән мисаллар китерелде.
Укучыларга «Кулланучылар хокукларын яклау» темасына үткәрелә торган республика Олимпиадасы турында мәгълүмат бирелде һәм аны үткәрү тәртибе аңлатылды.